මංගලම් පාරාදීසය - නියමයන් සහ කොන්දේසි

කොන්දේසි

1. අවම වයස අවුරුදු 18 හෝ 18 ට වඩා වැඩි විය යුතුය.
2. අප වෙබ් අඩවියට ලියාපදිංචි වී මුදල් ගෙවා ගිණුම ඇක්ටිව් කරගැනීමෙන් පසු නැවත මුදල් ආපසු ලබා දෙනු නොලැබේ.
3. ශ්‍රී ලාංකික පුරවැසියෙකු විය යුතුය. යෝජිත පාර්ශවය වෙනත් රටක පදිංචි වී සිටින්නේ නම් දෙමාපියන්/ භාරකරු හෝ වෙනත් ඔහු/ ඇය වෙනුවෙන් පෙනී සිටීමට හෝ වගකීම් දැරීමට හැකි ලංකාවේ ස්ථිර ලිපිනයක පදිංචි ඇපකරුවෙකු සිටිය යුතුය.
4. තොරතුරු තහවුරු කරගැනීම සඳහා යෝජිත පුද්ගලයාගේ ජාතික හැඳුනුම්පතෙහි , වලංගු රියදුරු බලපත්‍රයක හෝ ගුවන් බලපත්‍රයක දෙපස පැහැදිළි ඡායාරූප ඉදිරිපත් කළ යුතුය.
5. විවාහ වීම සඳහා නීතිමය බාධාවක් නැති පුද්ගලයෙකු විය යුතුය.
6. අප සේවාව මගින් විවාහ අපේක්ෂයින්ට තමන්ගේ සිතැගි පරිදි අනාගත සහකරු හෝ සහකාරිය තෝරාගැනීමට අවකාශය සලසා ඇත. ඉන්පසු ඉදිරියට කටයුතු කරගෙන යාම ඔබ දෙපාර්ශවයේ කැමැත්ත මත පමණක් සිදුවේ. එවැනි සම්බන්ධතාවයක් හේතුකොටගෙන කිසියම් පාර්ශවයකට සිදුවන ගැටළු හෝ මූල්‍යමය අවාසි සම්බන්ධයෙන් "මංගලම් පාරාදීසය" මංගල සේවය වගකියනු නොලැබේ.
7. අදාල පාර්ශවය වෙත විවාහයට සුදුසු සහකරුවෙක්/සහකාරියක් හදුන්වා දීම පමණක් සිදු කරන අතර වැඩිදුර තොරතුරු සොයා බැලීම අදාල පාර්ශවයේ වගකීමක් බව පිළිගනී. "මංගලම් පාරාදීසය" මංගල සේවය හරහා විවාහ ගිවිසගැනීමෙන් අනතුරුව හා අනාගත ගෘහ ජීවිතයේදී ඇතිවන පවුල් ආරවුල් , විවාහ බිදවැටීම්, දික්කසාද නඩු සදහා "මංගලම් පාරාදීසය" මංගල සේවය වගකීම නොදරන අතර එහි වගකීම අදාල පාර්ශවය විසින් දැරිය යුතු බව පිළිගනී.
8. තවද මෙම මංගල සේවයේ ලියාපදිංචි වී ඇති අපේක්ෂකයින්ගේ විවාහක, අවිවාහකබව, රැකියාව, ආදායම ඇතුළු විස්තර වල සත්‍ය අසත්‍ය‍ භාවය සොයා බැලීමට "මංගලම් පාරාදීසය" මංගල සේවය කිසිදු අන්දමේ වගකීමකට බැඳී නොමැත. යම් අපේක්ෂකයෙකු සමඟ සම්බන්ධතාවයක් පටන් ගැනීමට පෙර ඔහු හෝ ඇය සපයා ඇති සියලු තොරතුරු වල සත්‍ය අසත්‍ය තාවය සොයාගැනීම තමාගේ කාර්ය භාරය හා වගකීම බව ඔබ පිළිගත යුතු අතර, "මංගලම් පාරාදීසය" මංගල සේවය ඒ පිළිබඳ සියළු ආකාරයේ වගකීම් වලින් නෛතිකව නිදහස් වේ.
9. අනවශ්‍ය ගැටුම්/සමීප සබදතා /මුදල් ගනුදෙනු වැනි කටයුතු සිදු කිරීම ඔවුනොවුන්ගේ අභිමතය පරිදි සිදු කර ගත හැකි වුවද එහි වගකීමක් හෝ ඒවායෙහි අතුරු ප්‍රතිඵල සදහා "මංගලම් පාරාදීසය" මංගල සේවය කිසිදු බැදීමක් නැති බව අදාල පාර්ශව පිළිගනී.
10. "මංගලම් පාරාදීසය" මංගල සේවය ප්‍රදර්ශනය කර ඇති සියළු තොරතුරු අදාළ දැන්වීම්කරුවන්ගේ පුර්ණ අනුමැතිය සහිතව පල කරනු ලබන අතර, ෆොටොස් නම / දුරකථන අංක සහ ලිපිනය වැනි අතිශය පුද්ගලික තොරතුරු වෙබ් අඩවියේ ඇතුළත් කරන්නේ නම්, එහි සහ ඊට ලැබෙන ඇමතුම් හෝ කුමන ආකරයක අපහසුතාවයක් වුවද.. සියලු වගකීම අදාළ දැන්වීම්කරණ පාර්ශවය විසින් දැරිය යුතුය.
11. පළකර ඇති යම් මංගල යෝජනාවක තොරතුරු සාවද්‍ය නම් හෝ / සහ වෙනත් පුද්ගලයෙකු අපහසුතාවයට පත් කරනු ලබන තොරතුරු ඇතුලත් කර ඇති නම්, හැකි ඉක්මනින් "මංගලම් පාරාදීසය" මංගල සේවය අමතා ඒ බව දැනුම් දෙන්න. (අදාළ තොරතුරු පිරික්සීමෙන් පසු සුදුසු ක්‍රියාමාර්ග ගනු ලැබේ.)
12. සාමාජිකයෙකු විසින් "මංගලම් පාරාදීසය" මංගල සේවයට සපයා ඇති කිසිම තොරතුරක් පිටතට ලබා දීමට අප බැඳී නොමැත. එහෙත් නීතියේ අවශ්‍යතාවයක් මත එසේ කිරීමට සිදුවුවහොත් එයට අනුකූල වීමට අප බැඳී සිටී. නෛතික කටයුත්තක් සඳහා යම් තොරතුරක් අවශ්‍ය වේ නම් ගරු අධිකරණය මගින් නිකුත් කල "අධිකරණ නියෝගයේ ලිඛිත ලියවිල්ලක් " "මංගලම් පාරාදීසය" මංගල සේවයට ලබාදීම සිදුකළ යුතුය.
13. සාර්ථක වූ යෝජනාවක් නිසා හෝ වෙනත් පුද්ගලික කාරණාවක් නිසා දැන්වීම ඉවත්කර ගැනීමට අවශ්‍ය නම් කරුණාකර දුරකථන ඇමතුමක් ඔස්සේ හෝ ලියාපදිංචි වීම සඳහා භාවිතා කළ දුරකථනය ඔස්සේ WhatsApp පණිවිඩයක් යොකරන්න. යෝජනා ස්ථීර වූ සාමාජිකයන්ගේ තොරතුරු අපට දැන්වූ විගසම අප එය ඉවත් කරනු ලැබේ. එසේ ස්ථීර වූ සාමාජිකයන් අපට නොදන්වා සිටියහොත්, ඉවත් කිරීමට හැකියාවක් නොමැත. එවැනි සාමාජිකයන් පිලිබදවද හේතු දැක්වීමට අප බැදී නොමැත. "මංගලම් පාරාදීසය" මංගල සේවය හරහා යෝජනාවක් හරිගිය පසු "මංගලම් පාරාදීසය" මංගල සේවයට දන්වා ඔබගේ යෝජනාව ඉවත් කරගැනීම ඔබගේ වගකීමක් වේ.
14. මීට අමතරව, කොන්දේසි කඩකිරීමක් නිසා හෝ සාවද්‍ය තොරතුරු සැපයීම මත පදනම්ව ඊට අදාළ දැන්වීම් පෙර දැනුම්දීමකින් තොරව ඉවත්කිරීමට "මංගලම් පාරාදීසය" මංගල සේවයට පුර්ණ බලය පැවරේ.
15. මෙම ගිවිසුම්ගත කොන්දේසි පුර්ව දැනුම්දීමකින් තොරව යාවත්කාලින කිරීමේ බලය සම්පුර්ණයෙන් "මංගලම් පාරාදීසය" මංගල සේවය සතු වන අතර, සේවාව භාවිතා කිරීමට ප්‍රථම ගිවිසුම්ගත කරුණු පරික්ෂා කර බැලීම ඔබගේ වගකීමක් බව සලකන්න.
16. මෙහි එන දත්ත හා ඡායාරූප කිසිවක් කුමන අන්දමකට හෝ පිටපත් කිරීමට කිසිවෙකුටත් අවසර නොමැත. මෙහි පලවී ඇති යම් ඡායාරූපයක් පිටපත් කර ලබා ගැනීමෙන් එම සාමාජිකයාට යම් ගැටලුවකට මුහුණු දීමට සිදුවුවහොත් එම වගකීමෙන් ආයතනය නිදහස් වන අතර එම ක්‍රියාව සිදු කළ පුද්ගලයා ඒ සම්බන්ධ සම්පූර්ණ වගකීම බාරගැනීමට බැඳී ඇත.ඡායාරූපයේ හෝ දුරකථනයේ සැබෑ අයිතිකරුට විඳින්නට වන ඕනෑම අන්දමේ ගැටළුවක් සම්බන්ධ සම්පූර්ණ වගකීම එම තොරතුරු ඇතුලත් කරගෙන සිටි සාමාජිකයා විසින් භාරගත යුතු අතර අප ඒ සියල්ලෙන්ම නිදහස් වේ.
17. තමන්ගේ නොවන දුරකථන අංක, තමන්ගේ නොවන ඡායාරූප, ව්‍යාජ විස්තර ගිණුමට ඇතුලත්කිරීම, මෙම සේවය තුළින් හඳුනාගන්නා අය සමඟ මුදල් ගනුදෙනු වලට සම්බන්ධ වීම, නොමනා යෝජනා කිරීම හෝ අනිසි බලපෑම් කිරීම ආදී මෙම ගිවිසුමේ සඳහන් කොන්දේසි එකක් හෝ වැඩි ගණනක් කඩ කිරිම හේතු කොට ඔබගේ මංගල යෝජනාව අත්හිටවීමේ බලය "මංගලම් පාරාදීසය" මංගල සේවය සතුවේ.
18. ඔබ ඔබගේ කැමැත්තකින් අපි සමග සම්බන්ධ වී තොරතුරු අපිට ලබා දුන් පසු එම තොරතුරු ප්‍රචාරණ කටයුතු සඳහා (TikTok, Facebook ආදී සමාජ මාධ්‍ය හරහා) භාවිතා කිරීමට ඔබගේ එකඟතාවය ලබා දෙන්නේ නම් පමණක් අප එසේ කරනු ලැබේ. සමාජ මාධ්‍ය වල පළ කිරීමට අකමැත්තක් ඇත්නම් එය ලියාපදිංචි වීමේදී හෝ පසුව අප වෙත දැනුම් දිය යුතු අතර එහිදී අප එම යෝජනා සමාජ මාධ්‍ය වල පළ නොකර සිටිමු.
19. අප ඔබගේ නිර්නාමික භාවය 100%ක් සුරකින අතර, ඔබගේ කුමන තොරතුරු කවරෙකුට නිරාවරණය කරනවාදැයි යන්න ඔබටම තීරණය කිරීමට පහසුකම් සලසා දී ඇත.